بيل سبيع : اثنين مجانين جالسين في مصحة يتفرجوا على مؤتمر عقلاء الحوثي في قناة المسيرة. وبعدما سمعوا عقلاء الحوثي يمهلوا الأحزاب السياسية ثلاثة أيام للخروج بحل لمشكلة الانقلاب اللي عملها الحوثي، التفت المجنون الأول للثاني: - ذلحين صدقتني لمّا قلت لك زمان إن الجِنان أعْقَل من العقل؟ رد المجنون الثاني:

بيل سبيع

اثنين مجانين جالسين في مصحة يتفرجوا على مؤتمر عقلاء الحوثي في قناة المسيرة. وبعدما سمعوا عقلاء الحوثي يمهلوا الأحزاب السياسية ثلاثة أيام للخروج بحل لمشكلة الانقلاب اللي عملها الحوثي، التفت المجنون الأول للثاني:
- ذلحين صدقتني لمّا قلت لك زمان إن الجِنان أعْقَل من العقل؟
رد المجنون الثاني:
* وأنا قد صدقتك زمان وجننت معاك.. بس ذلحين من بايخارجنا من هذي الورطة؟
- أيش من ورطة؟
* مش شايف قدّامك.. شكل الحوثيين باينهبوا علينا حتى "الجِنَان" حقنا!
- وإحنا أيش بانفعل بعدين؟ مشتيش أرجع عاقل ياخي، أموت ولا أرجع عاقل..
* وأنا والكل أموت ولا أرجع عاقل..
- طيب أيش بانقع بعدما يبزّوا الجِنَان حقنا؟ نجلس هكذا لاعقّال ولامجانين؟ تقول مافيش حاجة بعد الجِنَان ياخي؟
صمت المجنون الثاني، ورجع يشوف قناة المسيرة، وبعد شوي التفت للأول وقال:
* إلا فيه حاجة بعد الجِنَان..
- أيش هي؟ (سأله بلهفة).
فجاوبه بابتسامة:
* نقع حوثيين!